Kahlil Gibran
| Khalil Gibran | |
|---|---|
 Khalil Gibran, Abril 1931 | |
| Minundagan | Jubran Khalil Jubran Enero 6, 1883 Bsharri, Mount Lebanon Mutasarrifate, SyriaOttoman Syria |
| Kagadanan | Abril 10, 1931 (edad 48) Nweba York, Estados Unidos |
| Kasibotan | Pararawit, pintor, parasurat, pilosopo, teologo, artista biswal |
| Nasyunalidad | Lebanes asin Amerikano |
| Genre | Rawitdawit, parabula, halipot na osipon |
| Hirong pagsurat | Mahjar |
| Bantog na gibo | The Prophet, Broken Wings |
Si Khalil Gibran (/dʒɪˈbrɑːn/;[1];[a] pangaran na bilog sa Arabe, Gibran Khalil Gibran (Arabe: جبران خليل جبران / ALA-LC: Jubrān Khalīl Jubrān or Jibrān Khalīl Jibrān) (January 6, 1883 – Abril 10, 1931) sarong Lebanes na parasurat, pararawit, pilosopo, asin artista biswal.[1]
Si Gibran namundag sa banwaan nin Bsharri sa Bulod Lebanon Mutasarrifate, Imperyong Ottoman (bandang amnayan kan modernong Lebanon), ki Khalil Gibran asin Kamila Gibran (Rahmeh, mga Katolikong Maronite. Kan hubin pa si Gibran, an saiyang pamilya naghubo' sa Estados Unidos, kun saen siya nag'adal nin arte asin igdi nagpoon an karera literaryo niya, na siya nagsusurat sa Ingles asin Arabe. Sa kinaban kan Arabo, si Gibran hinihiling na sarong rebelde magin man sa pulitika o literatura. An istilo romantiko niya iyo an ubod sa Pagpukaw kan modernong literatura Arabe, orog na sa prose poetry, na nagsuway na sa klasikong kinaugalean. Sa Lebanon siya inoomaw na sarong heroe sa literatura.[2]
Mga babae sa buhay ni Gibran
[baguhon | baguhon an source]Si Kamila na iyo an ina ni Gibran dakulang gayo an impluensya sa buhay niya. Si Mariana na saiyang tugang iyo an nagbakal kan Mar Sarkis Monastery na iyo an linobngan saiya asin nagin museo. Si Mary Haskell iyo an nagparatabang saiya sa saiyang karera, sagkod sa pagpapublikar kan saiyang mga obra. Si Barbara Young may tindahan libro kun saen duman pinapabakal an libro niyang The Prophet asin ini-idolong gayo si Gibran. Si May Ziadech sarong babae na nagkahulog-boot saiya, saiyang kasurat-surat, alagad dai naagom.
Kagadanan
[baguhon | baguhon an source]Si Gibran nagadan huli sa sakit na cirrhosis sa katoy. Nagadan siya sa Nweba York kan Abril 10, 1931 sa edad na 48. PIrang taon bago pa nagadan siya, siya nagkulong sa kwarto na dai nag'aako nin bisita asin ta sige sana pagparainom. Nagsabi siya na kun magadan, ilubong siya sa Lebanon. Nangyari ini kan si Mary Haskell asin saiyang tugang si Mariana binakal an Mar Sarkis Monastery sa Lebanon na nagin nang sarong museo. Nasusurat sa lolobngan ni Gibran iyo an mga tataramon na "tataramon na gusto ko maguhit sa sakong lolobngan: "Buhay ako siring saimo, asin ako nagtitindog kataid mo. Ipirong mo saimong mata asin magkalag-kalag, asin saimong mahihiling ako sa atubangan mo".[3]
Arte biswal
[baguhon | baguhon an source]Sobra sa pitong gatos an pinintura niya kaiba diyan an mga paglaladawan niya sa mga amigo niyang sa WB Yeats, Carl Jung asin Auguste Rodin. Si Gibran sarong pintor asin sarong parasurat na nagkuang adal sa tradisyon simbolista lataw sa Paris kaidto kan 1908. Nakikiramas siya sa mga elitistang mga intelektwal kan panahon arog ninda WB Yeats, Carl Jung asin August Rodin na saiyang pininta. Palibhasa kadakulan kan saiyang pinintura hinakot pabalik sa Lebanon, an mga obra niya asin an tagom kaini daing gayo nareparo sa Solnopan.[4]
Mga obra
[baguhon | baguhon an source]Sa Arabe
- Nubthah fi Fan Al-Musiqa (Music, 1905)
- Ara'is al-Muruj (Nymphs of the Valley, also translated as Spirit Brides and Brides of the Prairie, 1906)
- Al-Arwah al-Mutamarrida (Rebellious Spirits, 1908)
- Al-Ajniha al-Mutakassira (Broken Wings, 1912)
- Dam'a wa Ibtisama (A Tear and A Smile, 1914)
- Al-Mawakib (The Processions, 1919)
- Al-'Awāsif (The Tempests, 1920)
- Al-Bada'i' waal-Tara'if (The New and the Marvellous, 1923)
Sa Ingles, bago siya nagadan:
- The Madman (1918) (transcriptions: wikisource)[5]
- Twenty Drawings (1919)
- The Forerunner (1920)
- The Prophet, (1923)
- Sand and Foam (1926)
- Kingdom of the Imagination (1927)
- Jesus, The Son of Man (1928)
- The Earth Gods (1931)
Postuma, sa Ingles:
- The Wanderer (1932)
- The Garden of The Prophet (1933, tinapos ni Barbara Young)
- Lazarus and his Beloved (Drama, 1933)
Mga kadamotan:
- Prose Poems (1934)
- Secrets of the Heart (1947)
- A Treasury of Kahlil Gibran (1951)
- A Self-Portrait (1959)
- Thoughts and Meditations (1960)
- A Second Treasury of Kahlil Gibran (1962)
- Spiritual Sayings (1962)
- Voice of the Master (1963)
- Mirrors of the Soul (1965)
- Between Night & Morn (1972)
- A Third Treasury of Kahlil Gibran (1975)
- The Storm (1994)
- The Beloved (1994)
- The Vision (1994)
- Eye of the Prophet (1995)
- The Treasured Writings of Kahlil Gibran (1995)
Iba pa:
- Beloved Prophet, The love letters of Khalil Gibran and Mary Haskell, and her private journal (1972, edited by Virginia Hilu)
Mga pagromdom asin onra
[baguhon | baguhon an source]- Lebanese Ministry of Post and Telecommunications nagpublikar selyo sa pag'onra saiya kan 1971.
- Gibran Museum sa Bsharri, Lebanon
- Gibran Khalil Gibran Garden, Beirut, Lebanon
- Gibran Khalil Gibran kuleksyon, Museo Soumaya, Mexico.
- Kahlil Gibran Street, Montreal, Quebec, Canada pig'inaguraran Septyembre 27, 2008 kan ika-125ng anibersaryo pagkamundag niya.
- Gibran Kahlil Gibran Skiing Piste, The Cedars Ski Resort, Lebanon
- Kahlil Gibran Memorial Garden sa Washington, D.C.,[6] ipigngaran kan 1990
- Elmaz Abinader, Children of Al-Mahjar: Arab American Literature Spans a Century[7]
- Gibran Memorial Plaque sa Copley Square, Boston, Massachusetts.
- Khalil Gibran International Academy, sarong pampublikong eskwelahan sa Brooklyn, NY, nagbukas kan Septyembre 2007
- Kahlil Gibran, Bust, Yerevan, Armenia (2005)[8][9]
- Khalil Gibran School Rabat, Moroccan asin British international school sa Rabat, Morocco
- Pavilion K. Gibran sa École Pasteur sa Montreal, Quebec, Canada
- Khalil Gibran Park (Parcul Khalil Gibran) sa Bucharest, Romania
- Gibran Kalil Gibran na eskultura sa marmol na pedestal sa laog kan Arab Memorial building sa Curitiba, Paraná, Brazil
- Gibran Khalil Gibran Memorial, sa atubangan kan Plaza de las Naciones, Buenos Aires.
- Belo Horizonte, Minas Gerais, Brazil. Rebulto.
- Gibran Khalil Gibran Cultural Space sa parteng norte kan Caracas, Venezuela.
- Viña del Mar, Chile. Monumento namogtak sa Marina Av. asin ineskultur ni Ricardo Santander Batalla.
Mga panluwas na takod
[baguhon | baguhon an source]- [5]Agi-agi kan buhay niya. Kinua 10-08-17.
Toltolan
[baguhon | baguhon an source]- ↑ [1] www.poettryfoundation.org. Kinua 10-08-17
- ↑ [2] www.biography.com. Kinua 10-08-17
- ↑ [3] www.biography.com. Kinua 10-08-17
- ↑ [4] wwws.;bbc.com. Kinua 10-09-17
- ↑ Gibran, Kahlil (May 1, 2004). "The Madman: His Parables and Poems" – via Project Gutenberg.
- ↑ "Gibran Memorial sa Washington, DC". Dcmemorials.com. Archived from the original on April 14, 2009. Retrieved December 22, 2012.
- ↑ "U.S. Society and Values, "Contemporary U.S. Literature: Multicultural Perspectives, Department of State, International Information Programs, February 2000". August 30, 2000. Archived from the original on August 30, 2000.
- ↑ "Monument To Lebanese Poet Gibran Erected In Yerevan". Lebanonwire. 26 November 2005. Archived from the original on February 5, 2015. https://web.archive.org/web/20150205053706/http://www.lebanonwire.com/1105/05112601ARP.asp.
- ↑ "Ժուբրանը` Մանկական այգում" (in hy). Aravot. 23 November 2005. http://www.aravot.am/2005/11/23/322503/.
